Кромидот може да издржи и до неколку месеци ако го чувате правилно.
Доколку планирате да го користите во рок од една недела, можете да го оставите и на масата во кујната, но за да трае подолго, треба да се чува на ладно и суво место и подалеку од друг зеленчук .
Можете да го направите тоа така што ќе го завиткате секој кромид во хартиена крпа и потоа ќе го ставите во обична хартиена кеса, која потоа ќе ја чувате во фрижидер. Благодарение на овој метод, кромидот ќе ви трае до еден месец.
Но, постои уште еден трик со кој вашиот кромид може да издржи и до шест месеци!
Земете чисти хулахопки и вметнете неколку парчиња кромид во нив, а потоа врзете јазол помеѓу секој кромид. Овој метод овозможува воздухот да циркулира помеѓу секој поединечно, со што го забавува распаѓањето. Ако вака чувате кромид, може да издржи меѓу четири и шест месеци.
Исто така, внимавајте да не чувате кромид во близина на компири. Суровиот компир испушта влага и гасови кои ќе го забрзаат процесот на расипување на кромидот.
