Медот и лукот се добри за здравјето бидејќи имаат силни антибиотски својства кои му помагаат на нашиот имунолошки систем.
Ако измешате сиров лук и мед, а оваа смеса ја консумирате 7 дена на празен стомак, значително ќе го подобрите вашето здравје и ќе го потиснете развојот на одредени болести.
Од една страна, медот и топлата вода се одлична комбинација за чистење на организмот, а од друга страна, лукот е познат по својата хранлива вредност и ниската калорична содржина.
Лук и мед – лековити својства. Негувајте ја кожата. Штом почнете да ги внесувате медот и лукот во вашата дневна рутина, оваа комбинација ќе и даде на вашата кожа прекрасен сјај и значително ќе ја подмлади.
Лекува грип и настинки и алергии. Антибактериските својства на лукот и медот го лекуваат обичниот грип и настинка за само неколку дена.
Зајакнување на имунитетот. Мешавината од мед и лук значително помага за зајакнување на имунолошкиот систем, а со тоа и отпорност на разни болести.
Намалете го ризикот од срцев удар. Мешавина од лук и мед може да помогне да се намали ризикот од срцев удар со намалување на лошиот холестерол во крвта.
Други лековити својства на лукот и медот: Лукот и медот на празен стомак ја подобруваат циркулацијата на крвта (спречува тромбоза и проширени вени). Го регулира крвниот притисок. Ги намалува воспалителните процеси (го подобрува здравјето при артритис, задржување на течности и лечи мускулни заболувања).
Се бори со кашлицата (Ако кашлицата е предизвикана од бактерии или вирус, нема ништо подобро од мед и лук. Ова брзо ќе ја намали иритацијата на грлото, стимулирајќи го ослободувањето на слуз).
Посебно ги донесуваме и корисните лековити својства на двете од овие намирници:
ЛУК Лукот се користи во различни јадења и е одличен како зачин. Но, освен одличниот вкус, има и многу други корисни својства. Лукот е дел од исхраната и се користи за медицински цели уште од античко време кога се користел за намалување на болки во зглобовите и дигестивни проблеми. Така, во Кина се користел за проблеми со варењето и дишењето, додека во римската култура се користел за намалување на болки во зглобовите и дигестивни проблеми.
Она што го прави лукот толку здрав е состојката алицин која има антибактериски, антивирусни и антигабични својства. Но, важно е лукот да е свеж и сиров. Кога ќе го додадете во храната, ќе го пржите или на друг начин ќе ја оштетите структурата, губи многу корисни својства.
МЕД Медот се користи како природен лек уште од античко време. Има различни својства, а има и многу убав вкус. Полн е со антиоксиданси и ензими, но и минерали, од кои некои се: магнезиум, фосфор, калиум, калциум, железо, цинк, витамин Б6, ниацин, тиамин итн.
Замислете само колку е фантастична комбинацијата на овие две состојки за нашето тело.
Лук и мед – рецепт Како да подготвите лук и мед? Еве што ви треба:
- Состојки:
- 12-13 чешниња лук
- Една чаша мед (околу 335 g)
- Мала тегла со капак
Постапка за подготовка: Излупете го лукот и ситно исечкајте го. Истурете го медот во стаклена тегла и таму префрлете го лукот. Покријте со соодветен капак и чувајте 1 недела на темно место. По една недела ќе добиете природен лек кој е еден од најздравите лекови во светот.
Земете 1 лажица дневно наутро на празен стомак. Сирупот може да се разреди со топла вода. Лекот се зема 7 дена без прекин, па се прави пауза од две недели и потоа овој лек се консумира уште една недела.
