Веќе знаете дека не треба да пиете премногу кафе доколку имате висок крвен притисок, но веројатно не сте знаеле дека овие симптоми можат да бидат и знак дека пиете премногу кафе.
Нутриционистите и лекарите издвоија три симптоми , од кои едниот е исклучиво поврзан со жените.
Зголемување на телесната тежина. “Користењето кафе понекогаш го имитира чувството на ситост. Кога пијат кафе, некои луѓе ќе се чувствуваат сити и може да прескокнат појадок, ужина или друг оброк. Но, кога ефектот на кофеинот наеднаш ќе исчезне, стомакот е целосно празен и добивате вистинска глад. Затоа првиот следен оброк ќе биде многу поголем отколку што треба, бидејќи ќе гладувате“, вели Јунан Брицо.
Долгорочно, ваквото внесување кафе ќе доведе до зголемување на телесната тежина, бидејќи понекогаш го „залажувате“ стомакот дека е полн, а понекогаш јадете претерано, што воопшто не е здраво.
„Криза“ без кафе. Знаци на зависност кога не сте испиле кафе ќе бидат главоболка, намалено ниво на енергија, поспаност , но и депресија и симптоми слични на грип. Ќе ви ја отежне концентрацијата особено ако сте на работа, а ако се чувствувате така секое утро, треба итно да го намалите внесот на кофеин.
Неправилен менструален циклус. Веројатно не сте знаеле дека и кафето може да биде вклучено во овој проблем? Нутриционистката Аби Вичил вели дека неправилниот или дури и недостижен циклус може да биде знак за премногу внесување кафе.
„Овој проблем го имаат особено жените на диета, кои го „мамат“ својот стомак за да биде сит или користат кафе за да имаат повеќе енергија. Кафето на празен стомак влијае на хормоните, особено на кортизолот. Ако не се јаде, ќе падне шеќерот, што ќе предизвика телото да лачи уште повеќе кортизол.
Многу високо ниво на кортизол ќе испрати сигнал до мозокот да ги запре сите процеси кои не се важни бидејќи е во наводна опасност. За жал, меѓу нив е дел од репродуктивниот систем, бидејќи мозокот тоа нема да го дозволи на потенцијалниот фетус да се најде во опасност“, објасни таа.
