Вака обично изгледа првиот час од животот на бебето
Шведските научници набљудувале 28 бебиња по раѓањето за да видат низ какви промени поминуваат на самиот почеток од својот живот. Истражувањето е објавено во научно списание, а покажало дека новороденчињата се однесуваат инстинктивно, кога се препуштени на првите слободни движења на телото и првиот контакт со мајката.
Ова се некои од промените кои им се случуваат на бебињата во првите минути од нивниот живот.
Втора минута: Бебето се смирува, одмара – по можност на градите на мајката. 2.5. минута: Бебињата за прв пат ги отвораат очите и постепено почнуваат да ги движат главите и усните.
Осма минута: Бебињата стануваат поактивни – долго ги држат очите отворени. Гледаат во очите и градите на мајка си, со плачење покажуваат дека се гладни и ги вперуваат рацете кон усните.
Осумнаесета. минута: Детето повторно одмара по овие движења. 36. минута: Бебињата почнуваат да го користат сетилото за мирис, се уште ги интересираат градите на мајката.
62. минута: Време е за првото доење! Бебињата пијат колострум – првото мајчино млеко, кое содржи бројни хранливи материи и молекули кои го зајакнуваат имунолошкиот систем. Ова рано цицање го стимулира производството на млеко и и помага на матката што побрзо да се врати во претходната состојба. 70. минута: Бебињата заспиваат и добиваат заслужен одмор.
Треба да се напомене дека ова истражување е спроведено на мал примерок од деца во Шведска. Во оваа земја е можно бебињата да имаат можност да се одморат на градите на својата мајка и да уживаат во нејзиното прво млеко, што не е привилегија на новороденчињата во целиот свет.
Сепак, овие резултати се сметаат за сигурен показател за инстинктивното однесување на најмладите. Авторите на истражувањето истакнуваат дека времето варира од бебе до бебе, а наведените минути се истакнуваат како просечни вредности.
