Храброста и лудилото го красеа големиот талент на Бока Јуниорс, Хектор Бракамонте, кој својата кариера ја изгради во Русија
Поранешниот аргентински фудбалер Хектор Бракамонте ја откри лудата приказна во јавноста . Напаѓачот, кој беше голема надеж за Бока Јуниорс во помладите категории, играше во Русија три години и таму доживеа неверојатни авантури.
Додека беше член на клубот Терек од Грозни во 2009 година, денес тимот се вика Ахмат, Хектор Бракамонте (44) имаше интересна средба со првиот човек на Чеченија , Рамзан Кадиров , голем вљубеник во боречките вештини и фудбалот.
Кога пристигнав во Грозни, веднаш ме однесоа во резиденцијата на почесниот претседател на клубот и прв човек на Чеченија, Рамзан Кадиров. Разговаравме, а потоа излеговме надвор. Кадиров влезе во мерцедесот, јас бев до него. Тој имаше телохранител одзади.
Рамзан почна да вози како Михаел Шумахер. На сред пат под седиштето извадил нешто украсено со дијаманти. Тоа беше автоматски пишtол! Кадиров ми го предаде. Не знаејќи што да правам, го ставив прстот на чкрапалото и почнав да нишанам … Кон Кадиров – се присетува Аргентинецот во разговор за „Совспорт“.
Тогаш се случи нешто на што не се надеваше, телохранителот ја подигнал цевката од автоматот кон Аргентинецот кој бил во чудо.
„Дали е вистински?“ праша Бракамонте, мислејќи на дијамантскиот пишtол и продолжи.
Сето тоа време Рамзан Кадиров не престана да се смее. Ја отвори касетата во автомобилот во која имаше неколку списанија и покажа на муницијата. Тогаш му реков дека можев да го застрелам. И се сврте и ме праша – А кој би ти дал плата? Почнавме да се смееме. Но, знам дека испуkав , дури ни Рамбо немаше да излезе жив од таа кола .
Инаку, Хектор Бракамонте за клубот од Грозни одигра 37 натпревари и постигна четири гола. Пред да дојде во Чеченија играше за Москва, а подоцна и за Ростов. По завршувањето на кариерата остана во фудбалот, имаше своја академија, а работеше и со помладите категории во Бока Јуниорс. Денеска е селектор во Уругвај каде го предводи тимот на Серо Ларго.
