Има луѓе кои сакаат нивните крпи да бидат прилично крути по миењето, додека некои уживаат да бришат со меки крпи. Доколку припаѓате на оваа втора група, постои одличен начин да ги направите вашите крпи помеки
Се што треба да направите е да ставите неколку тениски топчиња во барабанот додека го сушите пешкирот во машината. Овој трик „работи“ при сушење перници или јакни, како и секоја друга гардероба која треба да биде мека.
Дополнително, експертите велат дека тениските топчиња ќе помогнат алиштата да се исушат побрзо бидејќи ја стимулираат циркулацијата на воздухот низ влакната додека алиштата се во машината.
Би помислиле дека хотелите користат висококвалитетен детергент или прашок за постелнината да биде толку мека и бела. Излегува дека хотелите користат ист детергент купен во продавница, исто како и сите нас, бидејќи таквиот детергент за перење има неутрална pH вредност потребна за одржување на ткаенините.
Комерцијалната верзија на детергентот е генерално поостра, со посилен pH фактор што може да ги оштети основните квалитети на луксузниот хотелски пешкир. Значи, не мора да го менувате детергентот за да имате миризливи и меки крпи како во хотел. Она што треба да направите е да додадете скроб од ориз во процесот на миење!
Скробот од оризова вода им дава на постелнината и крпите познатото луксузно, меко чувство. Доволно е во две чаши обична вода да додадете една шолја вода која останала по зовривањето на оризот и убаво да се измеша. Земете раствор од ориз и вода, истурете една шолја во дупката за прав на машината за перење и половина шолја директно во машината, заедно со крпи. Оризов скроб ја одржува ткаенината мазна.
