June 19, 2024

Вклучете редовен циклус на миење и лимонот ќе го направи своето

Доколку користите машина за миење садови, треба да знаете дека во неа можете да додадете и кора од лимон за подобри перформанси. Имено, кога садовите се мијат во машина, таа сепак може да остави дамки или парчиња храна кои треба да се измијат рачно и по циклусот на перење.

Овој проблем можете да го решите со вметнување на парче кора од лимон во машината. Вклучете редовен циклус на миење и лимонот ќе го направи своето. По миењето, садовите нема да имаат никакви дамки или остатоци од храна. Покрај тоа, ќе остане пријатниот и свеж мирис на лимонот.

Ако немате лимон, можете да користите било кој друг цитрус. Овошјето како лимон, портокал, грејпфрут и слично содржат лимонска киселина која добро чисти. Оваа киселина е позната како природно средство за чистење и совршено ги раствора честичките од детергентот, па на садовите нема да останат дамки од вода или течност за перење. Покрај тоа, лимонската киселина е одлична за полирање и дезинфекција.

Лимонот содржи и антибактериски материи, па ако ставите кора од лимон во машината, ќе помогне и во елиминирање на бактериите и дезинфекција на садовите, пишува Wonder how to. Покрај тоа, како природен благо одмастувач, лимонот помага да се отстранат тврдоглавите масни наслаги на садовите.

Сепак, бидете внимателни. Исто така, познато е дека лимонската киселина може да ги оштети алуминиумот и сребрените садови, кои би можеле да избледат.

Затоа, не ставајте често кора од лимон во машината кога миете вакви садови. Од друга страна, кората од лимон ќе направи чуда за бакарните садови.

Leave a Reply

Your email address will not be published. Required fields are marked *