April 13, 2024

Станиша Павловиќ од селото Трбушани кај Чачак 26 години се занимава со одгледување кози.

Од почетокот на епидемијата на корона вирусот, постојано се зголемува продажбата на козји производи. Лековитите својства покрај одличните нутритивни вредности доведоа до фактот дека побарувачката за овие производи никогаш не била поголема.

Еден производ е особено баран, а тоа е сурутка од козјо млеко. Старецот во 9-та деценија од животот вели дека својата виталност и одлично здравје им ги должи на козите, а посочува дека сурутката е еликсир на младоста.

Козја сурутка наместо лек! Цената на литар козјо млеко е 150 денари, додека литар сурутка може да се најде за 100 денари. На дневна основа, можете да пиете неколку чаши од овој производ. Станиша тврди дека освен сурутка, лекови воопшто не му требаат:

Козјата сурутка е вистински еликсир на младоста и здравјето, корисна е за сите органи и имунитет – вели Станиша Павловиќ.

Луѓето велат дека козата е „подвижна аптека“, бидејќи производите од нејзиното млеко се одлични за зајакнување на имунолошкиот систем. Има се повеќе луѓе кои одлучуваат да ги одгледуваат овие животни, како за млеко, така и за сурутка:

Има 40 проценти протеин во себе, а голем дел од нив го консумираат спортистите за зајакнување на мускулите и на целиот организам. Со одгледување кози се занимавам 26 години и никогаш немало поголема побарувачка за неговите производи. Млекото се дава на децата со респираторни проблеми, но можам да кажам дека сурутката е уште повеќе барана и производ број еден кога се во прашање козите – нагласува Станиша.

Козите се едноставни животни, многу погодни за одгледување, а исто така се и многу профитабилни. Овој старец веднаш продава се што ќе измолзе во текот на денот. И целата сурутка ја продава. Многу е лесно и едноставно да се подготви:

Штом се измолзе, се вари козјото млеко, па веднаш се лади и се враќа на шпорет, се додава маја, се остава да отстои, кога ќе се формира грутка значи дека сирењето е готово. Цела ноќ се цеди, а тоа што се цеди е првокласна сурутка. Тоа е како мелем кога ќе го пробате, со сладок вкус, веднаш чувствувате олеснување и свежина, дури и ви се активираат сите рецептори и сетила – го опишува процесот на производство и придобивките од неговите производи Павловиќ.

Возев автобус и патував низ цела Европа. Во Германија видов дека граѓаните таму одгледуваат повеќе од сто крави, а имаат една коза што ја молзат и млекото го користат само за свои лични потреби – заклучува Станиша.

Leave a Reply

Your email address will not be published. Required fields are marked *