April 18, 2024

Додека одите низ низа тесни, високи, поврзани куќи со максимум пет ката и три тесни прозорци по кат – нема да видите завеси на тие прозорци. Еве зошто.

Холанѓаните се познати како многу пријателски настроен народ, а здравјето, безбедноста и општото задоволство се приоритетите што се следат во оваа земја. Исто така, нивната култура е опишана како исклучително либерална и отворена, а табу темите се непознати.

Ако некогаш сте ја посетиле земјата на лалињата и ветерниците, сигурно сте ја почувствувале опишаната атмосфера, како и доживеале дека нејзините жители немаат проблем да ја споделат својата приватност. Еден од показателите за горенаведеното е невообичаен – во Холандија ретко ќе видите завеси на прозорец!

Архитектура Холандската архитектура и станбените згради обично се првата причина за воодушевување на посетителите. Сите згради се визуелно слични, многу тесни и високи, а доминантни материјали се тулата и дрвото. Некогаш државата ја оданочуваше градбата во ширина, а Холанѓаните се снаоѓаа, па почнаа да си ја градат недвижноста во висина за да плаќаат помалку даноци.

Така, на пример, додека шетате по каналите на Амстердам, ќе шетате и по тесни, високи, поврзани куќи со најмногу пет ката и три тесни прозорци по кат. И има уште една интересна работа – тешко дека воопшто ќе видите завеси на тие прозорци. Еве зошто.

Немаат што да кријат. Шетајќи низ улиците на холандските градови, особено во вечерните часови, ќе можете да ѕирнете во туѓите домови и да ја видите нивната внатрешност. За Холанѓаните не е невообичаено, напротив, пожелно е, пренесува Клик.хр.

Прифатеното објаснување на оваа појава датира од средниот век, од калвинизмот, гранка на протестантизмот, кој налага искрените граѓани да немаат што да кријат, а завесите на прозорците можат да го навестат спротивното. До тоа се придржуваат Холанѓаните, кои веруваат дека слободниот поглед на нивниот дом докажува дека немаат тајни.

Има и приказна дека не ставаат завеси на прозорците затоа што сакаат да им покажат на другите колку се богати, а домот го сметаат за доследна презентација на тоа.

Трендовите во дизајнот на ентериер секако се менуваат, па денес има некои прозорци со завеси, но генерално ова необично правило остана.

Leave a Reply

Your email address will not be published. Required fields are marked *