Опуштете се и уживајте, ако забележите дека вашата коса почнува да побелее, не можете да направите ништо за да го спречите тоа.
Научниците открија дека тоа не е стареење, туку премногу стрес. Клетките задолжени за производство на пигментот кој ја дава бојата на нашата коса исчезнуваат кога телото е премногу изложено на кортизол, хормонот на стресот, заклучија научниците.
Првото нешто што треба да знаете е дека косата станува сива поради недостаток на меланин, пигмент во фоликулите на косата – објаснува професорот по дерматологија Гери Голденберг.
Фоликулите сè уште имаат нормален број на меланоцити, клетките кои го сочинуваат пигментот, но овие клетки престануваат да работат со текот на времето, па косата станува сива или бела.
Генетиката игра значајна улога. Ако вашите родители рано станале сиви, веројатно и вие ќе го направите тоа, а ништо не можете да направите за тоа – вели дерматологот Џошуа Цајхнер.
Но, исто така, можно е вашата коса да побели поради следниве три причини: Пушењето Ова може да биде поврзано со недостаток на хранливи материи создадени од никотин или други лоши животни навики.
Исто така, можно е слободните радикали кои се размножуваат поради пушењето, да ги оштетат фоликулите на косата и да предизвикаат прерана појава на седа коса – открива Голденберг и советува да се откажете од пушењето како најдобра терапија.
Недостаток на витамин Б12. Недостатокот на витамин Б12 се поврзува со раната појава на седа коса – нагласува Голденберг. Експертите не се сигурни зошто е тоа така, но врската е веќе докажана. Но, пред да брзате со додатоците, проверете го нивото на витамин Б12 преку лабораториска анализа.
Стресот. Според научниците, честото изложување на стрес предизвикува косата рано да посиви. Иако нема директна врска, стресот го зголемува нивото на кортизол, кој го зголемува бројот на слободните радикали, а ги оштетува фоликулите и клетките кои создаваат пигмент во косата – вели дерматологот Голденберг.
