June 23, 2024

Сите сме поминале барем еднаш период кога постојано чувствувавме потреба да јадеме нешто. Тоа може да биде предизвикано од недостаток на сон, промени во годишните времиња или нарушување во лачењето на одредени хормони. Сепак, она што е важно е да се утврди причината за ненаситниот глад.

Причината за постојан глад често може да има психолошка природа, па прво запрашајте се што ве прави незадоволни.
Колку пати сте држеле диета, сте изгубиле 2,3 килограми, а потоа сте вратиле 5. Диетата во многу случаи не функционира. Доколку сакате да се ослободите од напорното чувство на постојан глад, пробајте ги овие неколку совети.

Јадете повеќе риба. Рибата содржи многу висококвалитетни протеини и омега-3 масни киселини, а тие го зголемуваат чувството на ситост.

Уживајте во други протеини. Додавањето висококвалитетни протеини во вашиот оброк ја подобрува ситоста. Заедно со риба, јадете месо и јајца. Ова е особено важно за вашиот прв оброк во денот. Конзумирањето јајца и масни протеини за појадок ќе направи да се чувствувате сити цел ден.

Житарици. Храната богата со растителни влакна нè прави сити и на тој начин го намалуваме гладот. Киноата е одличен извор на протеини и е богата со растителни влакна. Овесот и леќата, за кои се покажа дека ја подобруваат ситоста, се исто така одлични опции.

Јадете повеќе зеленило. Големи количини зеленчук (како салати) пред оброците може да ја зголемат ситоста и да доведат до намален внес на храна. Зелените растенија како спанаќот се богати со тилакоиди кои го намалуваат гладот, ја зголемуваат ситоста и ја намалуваат желбата.

Мешунките. Мешунките, кои вклучуваат грав, грашок, боранија и слично, се одличен извор на протеини и се полни со влакна. Ваквата храна придонесува за ситост.

Додадете ја смесата со ореви. Јаткастите плодови како што се оревите и бадемите исто така создаваат чувство на ситост, веројатно поради високата содржина на протеини и здрави масти. Бадемите ја подобруваат ситоста, а оревите делуваат како потиснувач на апетитот.

Јадете здрави масти. Додавањето здрави масти како што се авокадо, кокосови производи, сончогледово масло, палмино масло, екстра девствено маслиново масло, масло од сусам и омега-3 масла ќе ви помогнат да се чувствувате посити и позадоволни, а исто така ќе го зголемите метаболизмот и енергијата. На пример, со додавање на авокадо во оброкот значително се подобрува ситоста во период од три до пет часа. Не штедете на масти, само погрижете се да ги јадете најздравите.

Уживајте во овошје. Овошјето како лубеницата, портокалот, боровинките и јаболкото се богати со влакна и полни со витамини, минерали, антиоксиданси, а често и вода, што ги прави добар избор кога сакате да ја подобрите ситоста.

Користете мала чинија. Ова може да изгледа како малку старомоден метод, но ако се борите со постојан глад, обидете се да користите помала чинија и да ја наполните до максимум. Кога го правите тоа, вашиот мозок добива сигнал дека има доволно храна.

Јадете внимателно. Одвојте време за оброк, не јадете пред телевизор бидејќи тоа ќе доведе до непотребно прејадување. Уживајте во аромите, боите на чинијата, вкусовите во устата и текстурата додека џвакате. Џвакајте полека и многу пати. Уживајте во искуството.

Leave a Reply

Your email address will not be published. Required fields are marked *