February 23, 2024

Кога принцот Филип почина пред година и половина, сликата на кралицата Елизабета Втора, која седи подалеку од другите во црквата и гледа во ковчегот, го обиколи светот.

Денеска кралицата ќе биде погребана на еднодневна церемонија, а многумина не знаат каде во моментов е телото на нејзиниот сопруг.

Пет метри под подот на Вестминстерската опатија се наоѓа гробница во која се уште се наоѓа телото на принцот Филип, а во него денеска ќе биде спуштен и ковчегот на кралицата Елизабета Втора.

Британските медиуми детално ја опишаа оваа постапка и причината поради која принцот се уште не е погребан каде што ќе почива засекогаш.

Кога ќе заврши погребот на кралицата Елизабета Втора, нејзиниот ковчег ќе биде спуштен во гробница скриена од очите на јавноста со црно-бели панели на подот. До гробот сè уште може да се стигне по скалите зад олтарот, кои не се отворени за јавноста.

Проверете како изгледа внатре, ова беше ретка прилика кога камерите успеаја да ја снимат внатрешноста.
По смртта на Филип, кралицата главно престојувала во замокот Виндзор за да биде поблиску до нејзиниот сопруг и можела да го посети неговиот ковчег во гробницата.

Но денеска и двата ковчези ќе бидат преместени и погребани во капела.
Кралицата и принцот, кои беа заедно 73 години, конечно ќе почиваат заедно покрај капелата изградена во 16 век. Во неа има и гробница во која моментално се наоѓаат телата на 25 монарси и членови на нивните семејства.

Има место за вкупно 64 ковчези, од секоја страна, а 12 места во самиот центар се резервирани за кралеви и кралици.

Самата кралица Елизабета наредила да се изгради оваа гробница кога нејзиниот татко, кралот Џорџ Шести, починал и таа се качила на тронот. На овој дел од погребот нема да присуствува ниту јавноста, ниту камерите, туку само членовите на кралското семејство.

Leave a Reply

Your email address will not be published. Required fields are marked *