На мозокот пред се му се потребни здрави масти, особено оние кои се наоѓаат во маслиновото масло, јаткастите плодови и семките, авокадото, мрсната риба.
Храната има големо влијание врз структурата и здравјето на мозокот . Мозокот троши околу 20% од дневниот внес на калории, а калориите треба да се обезбедат со соодветна храна како извор на квалитетно гориво кое одржува добра концентрација и ментална јасност.
Пред се, на мозокот му се потребни здрави масти, особено оние кои се наоѓаат во маслиновото масло, јаткастите плодови и семките, авокадото, мрсната риба… Покрај мастите, на мозокот му се потребни и флавоноиди кои се богати со бобинки.
Овие четири видови на храна се најкорисни за здравјето на мозокот:
Бобинки. Бобинките се полни со флавоноиди, кои се клучни за здравјето на мозокот. Во текот на дваесетгодишното истражување спроведено на илјадници луѓе кои јадат овошје, експертите забележале дека оние кои консумираат бобинки имаат најниско ниво на когнитивно оштетување.
Зелено Зеленчукот, особено зелениот, е одличен за здравјето на мозокот бидејќи содржи фолати, флавоноиди, витамин Е и каротеноиди. Зеленото како спанаќ, зелена салата и кељ се најдобри опции; дури и научно е докажано дека овие зеленчуци го забавуваат стареењето на мозокот.
Јаткасти плодови Јаткастите плодови се полни со витамин Е , кој ја зачувува функцијата на мозокот. Поради соединенијата што ги содржи, како и здравите масти, влакна и антиоксиданси, јаткастите плодови помагаат во целокупното здравје. За да направите вистинска „волшебна“ комбинација за мозокот, измешајте јаткасти плодови и бобинки.
Маслиново масло Маслиновото масло е одлична основа за здрав оброк. Лекарите советуваат да се намали употребата на други масла и путер, а да се вклучи и маслиново масло, особено ладно цедено.
