Се каам речиси секој ден. Секој час, секој ден, кога и да застанам на нозе ја чувствувам таа болка. Затоа ве молам не седете вака.
Лошата навика за малку ќе дојде до нејзината глава. Имено, Аудра Тејтум сакала да ги крева нозете на совозачкото седиште додека се вози, но по несреќата тоа никогаш повеќе нема да и падне на памет.
Ако некогаш сте биле совозач, особено на подолги правци, веројатно некогаш сте посакале да ги кренете нозете на маската под шофершајбната. Ако порано го правевте тоа, никогаш повеќе нема да ви текне. Сопругот постојано ја предупредувал Аудра да не го прави тоа, но таа не го слушала.
„Ми рече дека ќе си ги скршам нозете ако доживееме несреќа, а јас не го слушав“, рече Аудра. За жал, тоа се случи. При едно возење до нејзините родители, друг автомобил удрил во автомобил со кој управувал нејзиниот сопруг, а Аудра била тешко повредена.
„Кога се отвори воздушното перниче, тоа ги фрли моите нозе и ги притисна, буквално, на моето лице“, рече таа. Ги скршила зглобовите, рамената и носот. Сега таа сака да ја сподели својата приказна со другите и да предупреди на опасноста што се заканува зад оваа навидум безопасна патничка навика.
„Ако се возите со кренати нозе на таблата пред вас и се случи несреќа, воздушното перниче ќе ви ги испрати стапалата директно на лицето“, напиша таа на Фејсбук. По пристигнувањето во болницата, лекарите и објасниле дека нема да има никакви последици доколку седе нормално. Додека таа сега, две години подоцна, се уште се бори со последиците од несреќата.
„Се каам за тоа речиси секој ден. Секој час, секој ден, кога и да застанам на нозе ја чувствувам таа болка. Затоа ве молам не седете вака“, предупредува Аудра.
