May 17, 2024

Кога некој ваш близок поминува низ голема загуба, овие зборови сигурно ќе го утешат.

Тим Лорен, психотерапевт и новинар, напиша статија во која зборува за тоа како навистина можеш да му помогнеш на личност која чувствува болка. Тој предупредува дека треба да бидеме внимателни со вообичаените фрази за поддршка – тие можат да повредат уште повеќе.

Објавуваме напис од Тим, кој и самиот ја претрпел загубата на своите најблиски во младоста и знае што навистина ни треба во тешки времиња.

„Слушам еден мој пријател, психотерапевт, како зборува за пациент. Жената имаше страшна несреќа, постојано има болки, екстремитетите и се парализирани. Оваа приказна ја слушнав десетина пати и секој пат сум шокиран од Една работа. Тој и кажа на несреќната жена како трагедијата доведе до позитивни промени во нејзиниот живот“.

„Ништо во животот не се случува случајно“, рече тој. Ме чуди колку е длабоко вкоренета оваа баналност, дури и кај психотерапевтите.

Овие зборови многу болат. Тој сака да каже дека несреќата ја тера жената кон духовен напредок. Мислам дека тоа е целосна глупост. Несреќата и го раскинува животот и и ги уништува соништата: тоа се случи и нема апсолутно ништо добро во тоа…

Она што е важно: таквиот став нè спречува да го направиме единственото нешто што треба да го направиме: да тагуваме во болка и неволја. Мојата учителка Меган Дивајн кажа добри работи за тоа: „Некои работи во животот не можеме да ги поправиме. Тие само треба да се живеат“.

Тагуваме, не само кога ќе умре некој близок. Се предаваме на болката кога најблиските си заминуваат, надежите и соништата се рушат, дури и се појавуваат опасни болести. Загубата на детето не може да се поправи, а предавството на саканата личност – може само да се живее.

Ако сте имале проблеми и некој постојано повторува стереотипни фрази: „Кој знае зошто е тоа добро“, „Ова ќе те направи уште подобар и посилен“, „Ништо не се случува без причина“, „Треба да ја преземеш одговорноста за својот живот“. „Ова мораше да се случи“, „Се ќе биде во ред“ – можете слободно да го избришете тој човек од вашиот живот.

Кога им кажуваме такви зборови на нашите пријатели или на наши блиски луѓе, дури и во најдобра намера, им го ускратуваме правото на тага и болка.

Јас лично доживеав огромна загуба и секој ден сум виновен што сум жив, а тие веќе ги нема. Болката не ми помина, едноставно научив да ја насочувам во вистинската насока, работејќи и добро разбирајќи ги пациентите.Но, во никој случај нема да ми текне дека трагедијата е дар на судбината што ќе доведе до духовен и професионален раст .

Ваквите мисли би значеле газење на спомените на најблиските што ги изгубив прерано. Не сакам да се преправам дека не ми е тешко. Затоа сум силен, затоа станав „успешен“, затоа „презедов одговорност за мојот живот“.
Современата култура ја смета тагата како проблем што треба да се коригира или како болест што треба да се лекува. Правиме се за да ја потиснеме и да се ослободиме од нашата болка или некако да ја трансформираме.
Па, што да им се каже на пријателите и блиските луѓе кои биле во неволја, наместо: „Ништо во животот не се случува случајно“?

Последното нешто што му треба на скршеното лице со болка е совет или инструкција. Најважно е разбирањето.
Кажи го следново буквално: „Знам дека те боли. Јас сум тука, до тебе“.
Тоа значи дека сте подготвени да останете покрај него и да тагувате со него онолку колку што е потребно, а тоа е неверојатно моќна поддршка. Нема ништо поважно за луѓето од разбирањето. Не бара некои посебни вештини и навики, тоа е само подготвеност да се биде таму, и да се остане онолку долго колку што е потребно.

Останете блиску. Едноставно, бидете со тажниот, дури и кога не ви е удобно или мислите дека не правите ништо корисно. Всушност, токму кога ви е непријатно, вложете максимални напори и останете блиски.

“Знам дека боли. Тука сум, до тебе”. Толку ретко си дозволуваме да влеземе во оваа сива зона – зоната на тагата и болката – но тука лежат корените на нашето исцелување. Започнува кога луѓето се чувствуваат подготвени да одат заедно.

Ве молиме направете го тоа за вашите најблиски. Можеби никогаш нема да знаете, но вашата помош ќе биде непроценлива. А, ако некогаш се најдете во неволја, најдете некој кој ќе биде подготвен да биде покрај вас. Ви гарантирам, ќе го најдете . Доволно е само една, личност вистинска! Сите други можат да одат.

Leave a Reply

Your email address will not be published. Required fields are marked *