February 26, 2024

Прилепско макало од компири со суви пиперки и лук
Се мијат компирите и пиперките и заедно се варат во тенџере.

Откако убаво ќе се сварат се оставаат малце да се изладат.

Во лучница се толчи лукот со малце сол.На пиперките со вилушка или лажица им се вади месото, а лушпата и семето се отстранува. Со вилушка се гмечи за се иситни месестиот дел од пиперката.

Компирите се лупат и еден по еден се толчат во лучницата за да нема грутчина.На вака истолчените компири се додаваат изгмечените пиперки и повторно се толчи.На смесата се додава врела вода.

Кога ќе се изедначи смесата да не биде многу густа ни многу течна се потура со загреано масло и повторно убаво се измешува.

На здравје!

Извор: мои рецепти

Leave a Reply

Your email address will not be published. Required fields are marked *