Вработен во водечки германски производител на светилки и уреди за осветлување, фабриката „Осрам“, е обвинет за шверц и кражба на златни струготини во вкупна тежина од 67 килограми од фабриката во која работел неколку години.
Украдениот имот вредел околу 2,3 милиони евра во времето на злосторството, изјави портпаролот на Јавното обвинителство во Регенсбург.
Досегашната истрага покажала дека кражбата на струготини од злато се случила помеѓу 2012 и 2016. Во 2018 година, Осрам поднел пријава за кражба.
Портпаролот на компанијата одбил да ги коментира вестите, повикувајќи се на тековната истрага.
